چیٹ جی پی ٹی میں برانچ کنزرویشن فیچر متعارف، صارفین کے لیے انقلابی سہولت
اوپن اے آئی نے اپنے مشہور آرٹیفیشل انٹیلی جنس چیٹ بوٹ چیٹ جی پی ٹی میں ایک نیا فیچر متعارف کرایا ہے جسے برانچ کنزرویشن (Branch Conversation) کہا جا رہا ہے۔ یہ فیچر اپنی نوعیت کا پہلا ہے جو کسی اور اے آئی چیٹ بوٹ میں فی الحال دستیاب نہیں۔
اس فیچر کی مدد سے صارفین ایک ہی مرکزی چیٹ کے اندر مختلف تھریڈز میں بات چیت کر سکتے ہیں۔
یعنی اگر آپ کسی موضوع پر چیٹ جی پی ٹی سے گفتگو کر رہے ہیں تو اس ہی موضوع کے مختلف پہلوؤں پر الگ الگ برانچز میں بات جاری رکھی جا سکتی ہے، جبکہ اصل چیٹ اپنی جگہ محفوظ رہے گی۔
یہ فیچر بالخصوص ان صارفین کے لیے کارآمد ہے جو ایک وقت میں مختلف انداز یا نقطہ نظر پر بات کرنا چاہتے ہیں۔
مثال کے طور پر ایک مارکیٹنگ ٹیم کسی اشتہار کے آئیڈیاز چاہتی ہے۔ وہ مرکزی چیٹ میں الگ الگ برانچز بنا کر فارمل، ان فارمل یا مزاحیہ ٹونز پر مبنی تجاویز حاصل کرسکتی ہے۔
یہ فیچر کیسے استعمال کریں؟
اس فیچر کو استعمال کرنے کے لیے:
کسی بھی چیٹ ونڈو میں جائیں۔
چیٹ کے نیچے موجود تھری ڈاٹ مینیو پر کلک کریں۔
وہاں موجود آپشن "برانچ ان نیو چیٹ” کو منتخب کریں۔
ایک نئی چیٹ تھریڈ کھل جائے گی جس میں اوریجنل چیٹ کا تمام مواد موجود ہوگا۔
یوں آپ ایک درخت کی شاخوں کی طرح مختلف پہلوؤں پر گفتگو کر سکیں گے۔
اوپن اے آئی کے مطابق یہ فیچر صرف پریمیم سبسکرائبرز تک محدود نہیں بلکہ تمام صارفین کے لیے دستیاب ہے۔
البتہ فی الحال یہ فیچر صرف ویب ورژن میں استعمال کیا جا سکتا ہے۔
اس فیچر کا مطالبہ طویل عرصے سے صارفین کی جانب سے کیا جا رہا تھا۔ اکثر صارفین شکایت کرتے تھے کہ جب وہ کسی موضوع پر نئی سمت میں گفتگو شروع کرتے ہیں تو اصل چیٹ کا تسلسل ٹوٹ جاتا ہے۔
اوپن اے آئی نے اس مسئلے کو حل کرنے کے لیے برانچ کنزرویشن فیچر لانچ کیا ہے تاکہ ہر صارف ایک ساتھ کئی نقطہ نظر پر بات کر سکے۔
دیگر خصوصیات سے فرق
چیٹ جی پی ٹی نے حالیہ مہینوں میں متعدد فیچرز متعارف کرائے ہیں، جیسے:
جی میل اور گوگل کیلنڈر انضمام
وقفے کی یاد دہانی
پریمیم فیچرز کو مفت صارفین کے لیے دستیاب کرنا
تاہم برانچ کنزرویشن اپنی نوعیت کا منفرد فیچر ہے جو اسے باقی اے آئی چیٹ بوٹس سے ممتاز بناتا ہے۔
اوپن اے آئی کا یہ نیا فیچر چیٹ جی پی ٹی کے صارفین کو زیادہ مؤثر اور منظم انداز میں گفتگو کا موقع فراہم کرے گا۔ چاہے بات کاروباری فیصلوں کی ہو یا تعلیمی منصوبوں کی، برانچ کنزرویشن سے گفتگو کا ہر پہلو محفوظ اور قابل رسائی رہے گا۔
اس فیچر نے واضح کر دیا ہے کہ چیٹ جی پی ٹی مسلسل ترقی کر رہا ہے اور صارفین کی ضروریات کو مدنظر رکھتے ہوئے نئے فیچرز متعارف کرا رہا ہے۔
مزید خبریں
چیٹ جی پی ٹی کا پراجیکٹس فیچر اب مفت صارفین کے لیے بھی دستیاب
