تین ملکی سیریز 2025: پاکستان کی یو اے ای کو 31 رنز سے شکست
تین ملکی سیریز کے دوسرے ٹی ٹوئنٹی میچ میں پاکستان نے متحدہ عرب امارات کو دلچسپ مقابلے کے بعد 31 رنز سے شکست دے دی۔
پاکستان نے پہلے بیٹنگ کرتے ہوئے 20 اوورز میں 207 رنز بنائے، جس کے جواب میں یو اے ای کی ٹیم ہدف حاصل نہ کرسکی اور مقررہ اوورز میں 176 رنز پر محدود ہوگئی۔
ٹاس جیتنے کے بعد پاکستان نے پہلے بیٹنگ کا فیصلہ کیا۔
صائم ایوب نے دھواں دھار بیٹنگ کرتے ہوئے 69 رنز اسکور کیے۔
حسن نواز نے بھی شاندار 56 رنز بنائے۔
محمد نواز نے 25 رنز کی مفید اننگز کھیلی۔
پاکستان کی ٹیم 20ویں اوور کی آخری گیند پر 207 رنز بناکر آل آؤٹ ہوئی۔
یو اے ای کی جانب سے صغیر خان اور جنید صدیقی نے تین، تین وکٹیں حاصل کیں، جب کہ حیدر علی نے 2 کھلاڑیوں کو آؤٹ کیا۔
208 رنز کے ہدف کے تعاقب میں یو اے ای کی ٹیم نے اچھا آغاز کیا لیکن مطلوبہ رفتار برقرار نہ رکھ سکی۔
آصف خان نے جارحانہ کھیل پیش کیا اور 6 چوکے اور 6 چھکوں کی مدد سے 77 رنز بنائے۔
کپتان محمد وسیم نے 33 رنز اور پراشار نے 15 رنز اسکور کیے۔
پاکستان کی جانب سے
حسن علی نے 3 وکٹیں حاصل کیں۔
محمد نواز نے 2 کھلاڑیوں کو پویلین بھیجا۔
پاکستان ٹیم مینجمنٹ نے اس میچ میں کچھ تبدیلیاں کیں:
فاسٹ بولرز حارث رؤف اور شاہین شاہ آفریدی کو آرام دیا گیا۔
ان کی جگہ حسن علی اور سلمان مرزا کو موقع دیا گیا، جنہوں نے اچھا پرفارم کیا۔
پاکستان نے تین ملکی سیریز میں اپنی پہلی کامیابی حاصل کرلی ہے اور شاندار پرفارمنس کے ساتھ اپنی پوزیشن مضبوط کرلی ہے۔ صائم ایوب کی بیٹنگ اور حسن علی کی بولنگ اس فتح کا اہم سبب بنے۔
مزید پڑھیں
