پاکستان میں سونے کی قیمت میں بڑی کمی
آل پاکستان جیمز اینڈ جیولرز ایسوسی ایشن کے مطابق ملک بھر میں سونے کی فی تولہ قیمت میں 4100 روپے کمی ہوئی ہے، جس کے بعد نئی قیمت 3 لاکھ 84 ہزار روپے ہوگئی ہے۔
اسی طرح 10 گرام سونا 3 ہزار 515 روپے سستا ہوکر 3 لاکھ 29 ہزار 218 روپے کا ہوگیا ہے، جو خریداروں کے لیے کچھ ریلیف کا باعث ہے۔
بین الاقوامی سطح پر بھی سونے کے نرخوں میں کمی آئی ہے۔ عالمی صرافہ بازار میں سونے کی فی اونس قیمت 36 ڈالر کمی کے بعد 3618 ڈالر پر پہنچ گئی ہے۔
ماہرین کا کہنا ہے کہ عالمی مارکیٹ میں ڈالر کی قدر میں بہتری اور سرمایہ کاروں کی ترجیحات میں تبدیلی سونے کی قیمتوں میں کمی کی بنیادی وجوہات ہیں۔
پاکستان میں سونے کی قیمتوں میں حالیہ کمی عارضی قرار دی جا رہی ہے کیونکہ مقامی مارکیٹ اب بھی عالمی حالات اور ڈالر کے اتار چڑھاؤ سے براہِ راست متاثر ہے۔
مزید خبریں
پاکستان میں کرپٹو کرنسی غیرقانونی نہیں بلکہ "گرے زون” میں ہے، ڈپٹی گورنر اسٹیٹ بینک
اسلام آباد میں سینیٹ کی قائمہ کمیٹی برائے خزانہ کے اجلاس کے دوران "ورچوئل ایسیٹ بل 2025” پر غور کیا گیا۔ اس موقع پر ڈپٹی گورنر اسٹیٹ بینک نے بتایا کہ پاکستان میں کرپٹو کرنسی کو مکمل طور پر غیرقانونی قرار نہیں دیا گیا، یہ فی الحال ایک "گرے ایریا” میں موجود ہے۔
ڈپٹی گورنر کے مطابق پاکستان کے نوجوان کرپٹو کرنسی اور ورچوئل اثاثوں میں خاصی مہارت رکھتے ہیں۔ تاہم واضح ریگولیشن نہ ہونے کے باعث یہ سرمایہ کاری مکمل طور پر قانونی یا غیرقانونی دائرے میں شمار نہیں کی جاسکتی۔
چیئرمین کمیٹی سلیم مانڈوی والا نے سوال اٹھایا کہ جب ہنڈی اور حوالہ غیرقانونی ہیں تو کرپٹو کرنسی کی ڈیلنگ کو "گرے” کیسے قرار دیا جا سکتا ہے؟ انہوں نے اس معاملے پر مزید وضاحت طلب کی۔
سینیٹر محسن عزیز نے کمیٹی کو بتایا کہ کرپٹو کرنسی کا استعمال پاکستان میں بعض سنگین جرائم، خصوصاً اغوا برائے تاوان میں بھی کیا جا رہا ہے۔ ان کے مطابق اب مجرم نقد رقم نہیں مانگتے بلکہ کرپٹو کرنسی کے ذریعے ادائیگی کی طلب کرتے ہیں
