کمار سانو پر سابقہ اہلیہ کے سنگین الزامات: شہرت ملتے ہی چھوڑنے کا دعویٰ
کمار سانو پر سابقہ اہلیہ کے سنگین الزامات
بھارت کے معروف گلوکار کمار سانو ایک مرتبہ پھر خبروں کی زینت بن گئے ہیں، تاہم اس بار وجہ ان کی موسیقی یا کامیابیاں نہیں بلکہ سابقہ اہلیہ ریٹا بھٹاچاریہ کی جانب سے لگائے گئے سنگین الزامات ہیں۔ ریٹا کا کہنا ہے کہ شادی کے دوران انہیں شدید بدسلوکی اور اذیت کا سامنا کرنا پڑا، حتیٰ کہ حمل کے دوران بھی انہیں بھوکا رکھا گیا۔
کمار سانو کی شادی اور علیحدگی کی کہانی
کمار سانو نے 1986 میں ریٹا بھٹاچاریہ سے شادی کی تھی، جس سے ان کے تین بچے ہیں۔ لیکن 1994 میں اداکارہ کنیکا سدانند کے ساتھ کمار سانو کے تعلقات منظرعام پر آنے کے بعد یہ رشتہ ختم ہوگیا اور بچوں کی کسٹڈی ریٹا کے پاس چلی گئی۔
ریٹا نے حالیہ انٹرویو میں کہا:
"میں نے کمار سانو کے کیرئیر کی ابتدا میں ان کا ساتھ دیا اور انہیں گلوکاری میں آگے بڑھنے کے لیے حوصلہ دیا، لیکن جیسے ہی انہیں شہرت ملی، انہوں نے مجھے چھوڑ دیا۔”
"انہوں نے نہ صرف مجھے نظرانداز کیا بلکہ میری تذلیل بھی کی۔”
"انہیں گلوکاری میں کبھی دلچسپی نہیں تھی، یہ میرا خواب تھا کہ وہ گلوکار بنیں۔”
ریٹا کے مطابق جب وہ ممبئی آئے تو ان کے پاس پیسے اور سہولیات کچھ بھی نہیں تھیں۔
"ہم زمین پر بغیر پنکھے کے سوتے تھے، وہ لنگی پہنتے تھے اور ہماری زندگی نہایت مشکل تھی۔”
انہوں نے بتایا کہ فلم عاشقی کی کامیابی کے بعد کمار سانو کا رویہ مکمل طور پر بدل گیا۔
ریٹا نے الزام لگایا کہ ان کے تیسرے حمل کے دوران انہیں خوراک تک نہیں دی جاتی تھی۔
ایک موقع پر انہیں کچن اسٹور میں بند کر دیا گیا۔
بچوں کے لیے دودھ لینا بھی بند کر دیا گیا۔
حتیٰ کہ ڈاکٹرز کو بھی پیسے نہ دینے کا کہا گیا۔
ریٹا نے کہا کہ "مجھے اپنے والد کے انتقال کے وقت بھی شدید تنہائی اور اذیت کا سامنا رہا۔”
ریٹا کے مطابق اسی دوران کمار سانو نے عدالت کا سہارا لیا اور انہیں مزید دباؤ کا شکار بنایا۔ ساتھ ہی ان کے افیئر کی خبریں بھی منظر عام پر آئیں جس نے ان کی مشکلات کو بڑھا دیا۔
کمار سانو کے مداح اس انکشاف کے بعد حیرانی کا اظہار کر رہے ہیں۔ کئی افراد کا کہنا ہے کہ اگر یہ الزامات درست ہیں تو یہ کمار سانو کی شخصیت کا ایک بالکل مختلف پہلو ہے، جبکہ کچھ لوگ اسے پرانی دشمنی کا شاخسانہ قرار دے رہے ہیں۔
مزید خبریں
