آئی سی سی رینکنگ اپ ڈیٹ: شبمن گل ون ڈے میں سرفہرست، ٹی ٹوئنٹی میں ابھیشیک شرما نمبر ون
انٹرنیشنل کرکٹ کونسل (آئی سی سی) نے ون ڈے اور ٹی ٹوئنٹی فارمیٹس میں کھلاڑیوں کی نئی رینکنگ جاری کردی ہے جس میں بھارتی بیٹرز نے اپنی بالادستی قائم رکھی ہے۔
ون ڈے رینکنگ
بیٹرز کی فہرست میں بھارت کے شبمن گل بدستور پہلے نمبر پر موجود ہیں۔
پاکستان کے بابر اعظم تیسرے نمبر پر برقرار ہیں۔
انگلینڈ کے جو روٹ 5 درجے ترقی کے بعد 19 ویں جبکہ جوز بٹلر 7 درجے ترقی کے بعد 35 ویں پوزیشن پر پہنچ گئے۔
بولرز کی رینکنگ میں:
جنوبی افریقہ کے کیشو مہراج نمبر ون پر موجود ہیں۔
انگلینڈ کے جوفرا آرچر 16 درجے بہتری کے ساتھ تیسرے نمبر پر آگئے۔
پاکستان کے شاہین شاہ آفریدی 2 درجے تنزلی کے بعد 16 ویں پوزیشن پر پہنچ گئے۔
آل راؤنڈرز میں زمبابوے کے سکندر رضا اپنی پہلی پوزیشن برقرار رکھے ہوئے ہیں۔
ٹی ٹوئنٹی رینکنگ
بیٹرز میں بھارت کے ابھیشیک شرما بدستور پہلے نمبر پر ہیں۔
سری لنکا کے کوشال پریرا تین درجے بہتری کے بعد ٹاپ 10 میں شامل ہوگئے۔
پاکستان کے بابر اعظم تین درجے تنزلی کے بعد 24 ویں، جبکہ محمد رضوان چھ درجے تنزلی کے بعد 28 ویں نمبر پر آگئے۔
بولنگ رینکنگ میں:
نیوزی لینڈ کے جیکب ڈفی بدستور نمبر ون پر ہیں۔
افغانستان کے راشد خان ایک درجہ گر کر 9 ویں نمبر پر آگئے۔
پاکستان کے سفیان مقیم 7 درجے ترقی کے ساتھ 15 ویں پوزیشن پر پہنچ گئے، جبکہ ابرار احمد نے 39 درجے لمبی چھلانگ لگا کر 28 ویں مقام حاصل کرلیا۔
آل راؤنڈرز کی فہرست میں بھارت کے ہاردک پانڈیا پہلے نمبر پر ہیں، جبکہ پاکستان کے صائم ایوب 5 درجے بہتری کے بعد ٹاپ 10 میں شامل ہوگئے۔
مزید خبریں
انگلینڈ کی تاریخ ساز جیت: جنوبی افریقا کو ون ڈے کرکٹ میں 342 رنز سے عبرتناک شکست
ساؤتھ مپٹن میں کھیلے گئے تیسرے ایک روزہ میچ میں انگلینڈ نے جنوبی افریقا کو 342 رنز سے شکست دے کر ون ڈے کرکٹ کی تاریخ کا سب سے بڑا مارجن اپنے نام کرلیا۔ اس سے قبل یہ ریکارڈ بھارت کے پاس تھا جس نے 2023 میں سری لنکا کو 317 رنز سے ہرایا تھا۔
انگلینڈ کی شاندار بیٹنگ
انگلینڈ کے بلے بازوں نے ابتدا سے ہی جارحانہ انداز اپنایا اور مقررہ 50 اوورز میں 5 وکٹوں پر 414 رنز اسکور کیے۔
جیکب بیتھل نے شاندار 110 رنز کی اننگز کھیلی۔
جو روٹ نے کلاسیک انداز میں 100 رنز اسکور کیے۔
جوز بٹلر اور جیمی اسمتھ نے بھی 62، 62 رنز کی اننگز کھیل کر ٹیم کے اسکور کو تاریخی بلندی تک پہنچایا۔
جنوبی افریقا کی جانب سے کیشو مہاراج اور کوربن بوش نے 2، 2 وکٹیں حاصل کیں لیکن انگلینڈ کے بلے بازوں کو روکنے میں ناکام رہے۔
جنوبی افریقا کی مایوس کن بیٹنگ
414 رنز کے بڑے ہدف کے تعاقب میں جنوبی افریقا کی ٹیم مکمل طور پر دباؤ کا شکار نظر آئی اور صرف 72 رنز پر آل آؤٹ ہوگئی۔
کپتان سمیت کوئی بھی بیٹر ڈبل فگر میں نہ ٹھہر سکا۔
جofra آرچر نے تباہ کن بولنگ کرتے ہوئے صرف 18 رنز دے کر 4 وکٹیں حاصل کیں اور میچ کے بہترین کھلاڑی قرار پائے۔
اس سے قبل جنوبی افریقا نے ابتدائی دونوں میچز جیت کر سیریز میں برتری حاصل کی تھی۔
تیسرے میچ کی یہ شکست پروٹیز کے لیے ایک بڑا دھچکہ ثابت ہوئی۔
پلیئر آف دی سیریز کا اعزاز مشترکہ طور پر کیشو مہاراج اور جو روٹ کے نام رہا۔
