ریکھا شادی کرے گی تو میں بھی شادی کر لوں گی۔نشو بیگم

پاکستانی فلم انڈسٹری کی ماضی کی نامور اداکارہ نشو بیگم ایک بار پھر خبروں میں آ گئیں۔
سوشل میڈیا پر وائرل انٹرویو میں اداکارہ نے اپنی ذاتی زندگی سے متعلق حیران کن باتیں بتا دیں۔

🔸 نشو بیگم نے کھل کر کہا کہ ان کی زندگی میں اب تک تین شادیاں ہو چکی ہیں۔
🔸 پہلی شادی کو انہوں نے "بے وقوفی” قرار دیا جو صرف 11 ماہ چل سکی۔
🔸 دوسری شادی شاعر تسلیم فاضلی سے ہوئی، لیکن وہ 32 برس کی عمر میں انتقال کر گئے۔
🔸 تیسری شادی فلم ساز کاظم پاشا سے ہوئی جو ان کے انتقال تک قائم رہی۔

نشو بیگم کے مطابق:

"میرے رشتے کبھی آنا بند ہی نہیں ہوئے، آج بھی کئی لوگ شادی کے پروپوزلز بھیج رہے ہیں۔”

انہوں نے مزید کہا کہ شادی کا تعلق عمر سے نہیں بلکہ قسمت سے ہے۔

اداکارہ نے ہنستے ہوئے کہا:

"اگر بھارتی اداکارہ ریکھا نے شادی کر لی تو میں بھی چوتھی شادی کر لوں گی۔”
انہوں نے یہ بھی واضح کیا کہ ان کے بچے ان کے فیصلوں میں رکاوٹ نہیں بنتے بلکہ کہتے ہیں:امی شادی کر لیں، بس بیوقوفی مت کیجیے گا۔”