اسلام آباد سیکریٹریٹ میں غیر منظم پارکنگ پر پابندی، نئی پارکنگ کی سہولت قائم
اسلام آباد وفاقی دارالحکومت کے سیکریٹریٹ میں غیر منظم پارکنگ کی روک تھام کے لیے سخت اقدامات کیے گئے ہیں۔ اب کسی بھی گاڑی کو سڑکوں یا لینز میں پارک کرنے کی اجازت نہیں ہوگی۔
انتظامیہ کے مطابق اسسٹنٹ کمشنر سیکریٹریٹ، مجسٹریٹ اور ٹریفک پولیس پارکنگ کے نظام کی نگرانی کریں گے۔ ان کی مشترکہ کارروائیوں سے سڑکوں پر ٹریفک کے بہاؤ کو رواں رکھنے اور شہریوں کو سہولت فراہم کرنے کا ہدف رکھا گیا ہے۔
سیکریٹریٹ کے اے بی سی ڈی بلاکس اور پی کیو آر ایس بلاکس کی تمام سڑکوں اور لینز میں پارکنگ پر مکمل پابندی لگا دی گئی ہے۔ ان علاقوں میں کسی بھی سرکاری یا نجی گاڑی کو کھڑا کرنے کی اجازت نہیں ہوگی۔
انتظامیہ نے اے بی سی ڈی بلاکس کے قریب نئی پارکنگ ایریا قائم کیا ہے جہاں شہری اپنی گاڑیاں محفوظ طریقے سے کھڑی کر سکیں گے۔ مزید سہولت کے لیے والٹ سروس بھی فراہم کی گئی ہے۔ وزراء اور سینیئر افسران کی گاڑیاں مقررہ پارکنگ شیڈز میں منظم انداز سے کھڑی کی جائیں گی۔
انتظامیہ نے واضح کیا ہے کہ نئی پالیسی پر عمل درآمد یقینی بنانے کے لیے سخت کارروائی ہوگی۔ شہریوں کو ہدایت کی گئی ہے کہ گاڑیوں کو صرف مقررہ مقامات پر ہی پارک کریں تاکہ ٹریفک کی روانی متاثر نہ ہو۔
مزید خبریں
جلالپور پیروالا کے قریب موٹروے کا حصہ سیلاب میں بہہ گیا، ٹریفک معطل
جلالپور پیروالا کے قریب موٹروے کا حصہ سیلاب میں بہہ گیا
ملتان: شدید بارشوں اور دریائے چناب میں پانی کے اضافے کے باعث جلالپور پیروالا کے قریب سیلابی ریلے نے موٹروے ایم فائیو (M-5) کا ایک حصہ بہا دیا، جس کے بعد موٹروے کو فوری طور پر ہر قسم کی ٹریفک کے لیے بند کردیا گیا۔
پولیس حکام کے مطابق اوچ شریف روڈ پر شگاف کے باعث موٹروے کو شدید نقصان پہنچا۔ نیشنل ہائی وے اتھارٹی (NHA) کی ٹیم نے مرمتی کام شروع کیا مگر تیز پانی کے بہاؤ کے باعث یہ کوششیں روکنی پڑیں۔
جلالپور شہر اور شجاع آباد کی صورتحال
حکام کے مطابق جلالپور شہر کو بچانے والے بند پر دباؤ میں کمی آ رہی ہے۔ دوسری جانب دریائے چناب کے پانی کی سطح کم ہونے کے بعد شجاع آباد کے کئی زیرِ آب علاقے رفتہ رفتہ خشک ہونا شروع ہوگئے ہیں۔
ایشیا کپ 2025: پاک بھارت میچ کے بعد ہاتھ نہ ملانے پر پاکستان کے ہیڈ کوچ کا ردعمل
ایشیا کپ میں کھیل کے بعد روایتی مصافحہ نہ ہوا
ایشیا کپ 2025 میں دبئی میں کھیلے گئے پاک بھارت میچ کے بعد ایک نیا تنازع سامنے آیا۔ بھارت نے یہ میچ 7 وکٹوں سے اپنے نام کیا، لیکن سب سے زیادہ بحث اس وقت چھڑ گئی جب بھارتی کھلاڑیوں نے میچ کے اختتام پر پاکستانی کھلاڑیوں سے ہاتھ نہیں ملایا۔
پاکستان کے وائٹ بال ہیڈ کوچ مائیک ہیسن نے میچ کے بعد بتایا کہ:
انہوں نے کہا کہ پاکستانی ٹیم کھیل کے جذبے کو برقرار رکھنے کے لیے روایتی مصافحہ کے لیے تیار تھی، لیکن بھارتی کھلاڑیوں نے ایسا نہیں کیا۔
