جوہانسبرگ:
پاکستان اور جنوبی افریقہ کی کرکٹ ٹیموں کے درمیان آخری ون ڈے میچ آج کھیلا جائیگا۔
جنوبی افریقہ کے خلاف تیسرا اور آخری ون ڈے میچ کھیلنے کے لیے پاکستانی ٹیم جوہانسبرگ میں موجود ہے جہاں شاہینوں نے گزشتہ روز بھرپور پریکٹس کی۔
قومی کرکٹ ٹیم جنوبی افریقہ کو کلین سویپ کرنیکی مکمل تیاری میں ہے جبکہ پروٹیز بھی آخری میچ جیتنے کے لیے تگ و دو کرینگے۔
تیسرے اور آخری میچ سے قبل جنوبی افریقن فاسٹ باؤلر بارٹمین گھٹنے کی انجری کے باعث سکواڈ سے باہر ہو چکے ہیں۔
دونوں ٹیموں کے درمیان تین میچز کی سیریز میں پاکستان کو دو صفر کی برتری حاصل ہے۔ سیریز کا آخری ون ڈے میچ آج پاکستانی وقت کے مطابق شام پانچ بجے کھیلا جائیگا۔
