پاکستان اسٹاک ایکسچینج (پی ایس ایکس) میں آج کاروبار کا مثبت دن رہا جہاں 100 انڈیکس میں 252 پوائنٹس کا اضافہ ہوا۔
پی ایس ایکس بینچ مارک 100 انڈیکس اس اضافے کے بعد کاروباری دن کے اختتام پر 78 ہزار 528 پوائنٹس پر بند ہوا۔
کاروباری دن میں 100 انڈیکس 684 پوائنٹس کے بینڈ میں رہا جبکہ انڈیکس کی بلند ترین سطح 78 ہزار 978 رہی۔
حصص بازار میں آج 28 کروڑ 35 لاکھ شیئرز کے سودے ہوئے۔ یوں بازار کے کاروبار کی مالیت 11 ارب 6 کروڑ روپے رہی۔
اسی طرح مارکیٹ کیپٹلائزیشن 36 ارب روپے بڑھ کر 10 ہزار 333 ارب روپے ہے۔
