پاکستان تحریک انصاف کے چیئرمین بیرسٹر گوہر نے کہا ہے کہ ہمارے کسی سے کوئی بیک ڈور رابطے نہیں، اور نہ ہی کسی سے مذاکرات کے بارے میں کوئی بات ہو رہی ہے، بانی پی ٹی آئی مئی میں عوام کے درمیان ہوں گے، جے یو آئی کے سربراہ مولانا فضل الرحمان کے ساتھ مل کر احتجاج سے متعلق ہماری بات چیت چل رہی ہے۔
اڈیالہ جیل کے باہر میڈیا سے گفتگو کرتے ہوئے بیرسٹر گوہر نے کہا کہ متحدہ قومی موومنٹ، پاکستان مسلم لیگ (ن) اور پاکستان پیپلز پارٹی کے علاوہ سب سے بات کریں گے، انہوں نے کہا کہ ہم واحد سیاسی جماعت ہیں جس میں سب کو بات کرنے کا موقع دیا جاتا ہے۔ انہوں نے کہا کہ ہماری کوشش تھی کہ بانی پی ٹی آئی عید سے قبل رہا ہوں،
انہوں نے دعویٰ کیا کہ بانی پی ٹی آئی مئی میں اڈیالہ جیل سے رہا ہوں گے اور عوام کے درمیان ہوں گے۔
